Office training

Саяхан Монгол улсын хэмжээнд залуучуудын бие бялдарын эрүүл мэнд тал дээр анхаарахгүй бол үндэсний аюулгүй байдлын хэмжээнд хүрэхээр болсон байна гэсэн судалгаа гарсан байх юм. Тиймээс ширээний ард удаан хугацаагаар суудаг хүмүүст зориулан хийж болохуйц дасгалуудыг харуулсан бичлэг оруулж байна.

Энэ бичлэгийг 2007 онд Биеийн тамир спортын Улсын хорооноос гаргасан юм байна.
Ингээд суниагаад байж дээ.
Мэдээллийн эх үүсвэр

Нутгийн зураг

Тусгай хамгаалалтай Доогийн ханангийн бууц

Бюрократ тогтолцоо бие хүнийг эвддэг

Вебер бюрократ тогтолцооны идеал хэв шинжийг хууль журмыг даган биелүүлэх хөдөлмөрийн босоо тогтолцоо, орон тооны мэргэшсэн ажилтнууд, амьдралын эх үүсвэр болдог тогтмол цалин хэмээн үзжээ,

Байгууллагад үйл ажиллагаа явуулах өөрийн гэх менежмент байхгүй гэхэд хилсдэхгүй. Үйл ажиллагаа явуулах цорын ганц аргатай өнөөтэй золгожээ. Тэр нь бюрократ арга бөгөөд бүхэл бүтэн тогтолцоо болтлоо өргөжин тэлж чадсан юм.
Бюрократ гэдэг үг бюро гэдэг Францаас Герман хэлнээ зээлдэгдсэн ширээ, оффис гэсэн утгатай үг аж. Монголоор "Түшмэл ёсон" хэмээн орчуулдаг.

Олон оронд төрийн захиргааны ажилтанг бюрократууд гэж нэрлэдэг.

Бюрократууд ажлын байр, техник хэрэгсэл ба захиргаагаа өмчлөхгүй.

Ажилтнууд нь орон тооны байх ба амьдралын туршид ажлын байрны найдвартай баталгаагаар хангагдаж, мэргэшиж чадваржихын төлөө цаг заваа зориулсан байдаг.

Бюрократ эрх мэдэл бол захиргааны байгууллагын албан тушаалтнуудад алба хашиж байх хугацаанд хуулиар баталгаажсан эрх мэдэл юм.

Чухамхүү тэр дангаар ноёрхох эрх мэдэлд бюрократ тогтолцоо амилан хүчирхэгжсэн аж.

Иймээс бюрократизм нь нийгмийн хөгжлийг урагшлуулж ч, туршиж ч, мөн мөхөөж ч чаддаг тогтолцоо юм.

Энэхүү тогтолцоог буруугаар жолоодвол хүний төлөө биш даргын төлөө, иргэдийн төлөө биш, эрх ямбын төлөө ажилладаг аппарат болон хувирдаг аж.

Улмаар хүнд суртал, авлигад автаж, төрийн алба намчирхаж, нутгаргаж, садан төрлийн холбоогоор дүүрдэг

. Ийм бюрократуудын чин хүсэл монополь ноёрхолоо нэмэгдүүлэхэд чиглэдэг.

Тэр зорилгод нь хууль сайн үйлчилж өгдөг.

Бюрократизм бол зохион байгуулалтын төгөлдөр хэлбэр биш ч өдөр тутмын захиргааны давтагдах үйл ажиллагааг явуулахад хамгийн тохиромжтой хэлбэр хэмээн үзэж байсан үзэл хандлага үеээ өнгөрөөж байна.

Бюрократизм задран унаж байгаа нь дараахи хүчин зүйлтэй холбоотой.
Үүнд:
Бюрократ аппаратууд нүсэржих тусам нийгмийн өмнө тулгарч байгаа олон асуудлыг уян хатан, түргэн шуурхай шийдвэрлэх чадвараа алдсаар байна.

Орчин үед техник технологийн шинэ дэвшил гарснаар өндөр мэдлэгтэй албан хаагчид шаардлагатай болж тэднийг ажиллуулахад хэвтээ тогтолцоо руу шилжиж багаар ажиллах болж байна.

Гэтэл босоо тогтолцооны шатлан захирах ёс нь тушаал зааврыг үг дуугүй биелүүлэгчдийг бүтээсээр байна. . Зах зээлийн харилцаанд төрийн байгууллагын дангаар ноёрхох эрх тохирдоггүй.
Төрийн байгууллагад өрсөлдөгч байхгүй тул дангаар ноёрхох монополь эрхтэй байдаг

. Төсвөөс санхүүжих тэдэнд дампуурах аюул байхгүй.

Хаана монопольчлол байна тэнд өрсөлдөөн явагдахгүй

, Хаана өрсөлдөөн явагдахгүй байна тэнд эрсдэл хийхгүй, хөгжил явагдахгүй. Тиймээс эдийн засагчдийн нүдээр бол төрийн байгууллага хамгийн удаан, үрэлгэн, үр ашиггүй, үйл ажиллагаа явуулдаг аж.

Үйлчүүлэгчийн санал хүсэлтийг тэд үл хайхардаг.

Учир нь тэдэнд үйлчлүүлэгчээ алдах аюул байхгүй. Эдийн засагчид үүнийг зах зээлийн нийгэмд тохирохгүй тогтолцооны гажуудал гэж нэрлэсэн нь бий.
Бюрократ тогтолцоо бие хүнийг эвддэг.
Дэг журам, тогтвортой байдал, мэргэжсэн албан хаагчид, тогтмол цалин гээд бюрократ тогтолцоо олон давуу талтай ч ардчилсан улс орны хөгжлийг олон талаар боогдуулж байгааг эрдэмтэд улам ихээр шүүмжлэх боллоо.

Тэд бюрократизмыг "генетекийн удамшлын алдаа" гэх зэргээр нэрлэдэг.

Роберт Мертон, Виктор Томпсон нар бюрократ системийн согог нь үр ашиггүй үйл ажиллагааных нь эх үүсвэр болдог гэж үзэж байв.

Бюрократ тогтолцоо нь хууль, дэг журмыг байнгын мөрдөн, нэгэн хэвийн арга барилаар ажиллахыг шахаж байдаг. Энэхүү шахалт нь хүнийг аажимдаа дүрэм журмыг мөрдөгчид, сохроор дагагчид болгон хувиргадаг. Хэрвээ асуудал гарч ирвэл бодох биш даргаасаа "асуух" хэрэгтэй болно.
Мөн эрх мэдэл, зиндааны ялгаагаар хувь хүмүүсийн хоорондын харилцааг устгаж байдаг. Үзэл бодол, үг яриа нь эрх мэдэл, зиндаагаар үнэлэгдэх болохоос хэн илүү мэдлэг чадвартайгаар үнэлэгддэггүй. Хэрвээ дарга нар үргэлж бүхнээс ухаантай чадвартай бол ийм систем хамгийн зөв ажиллах байсан байх.

Ганц даргыг сонсох нь байгууллагын мэдлэгийн санг бүрэн дүүрэн ашиглахгүй болгодог.
Эрх мэдлийн нэг тал нь хүнийг албанд тушаал дурлах, амбицтай болгодог.

Олон хүн (тэдний дотор мэдлэг чадвартай ч бий) даргын суудалд өрсөлдөж байдаг ба энэ суудалд хүрэнгүүт эргээд унахаасаа айж сэтгэлийн зовиурт орж эхэлдэг.
Томпсон үүнийг "бюропатик түшмэл" гэж нэрлэсэн.

Энэхүү өвчөөр өвчилсөн түшмэл нь өөрийнхөө байр суурийг хамгаалах, хяналтын сувгийг бий болгох, тогтолцоогоо найз нөхөд, садан төрлийн холбоогоор дүүргэж, дүрэм журмыг өөрийгөө хамгаалахад зориулж эхэлдэг аж.

Албан тушаалаасаа огцрох болвол тойрон хүрээлэгчдээр бүрдүүлсэн өөрийгөө хамгаалах хөдөлгөөн хүртэл өрнүүлдэг тохиолдол ч бий.

Өндөр тушаалд очих тусам энэ өвчнөөр өвдөх магадлал их байдаг гэнэ..
Гэвч нөгөө талаар бюрократ бие хүн тогтсон дүрэм журмыг амьдралд таарахгүй, асуудлыг шийдвэрлэж чадахгүйг мэдсээр байж хэрэглэж суудаг.

Тэдний зорилго бол хуулийг хэрэгжүүлэх болохоос биш амьдралд үр шимийг нь хүртэх тухай асуудал биш юм.
Тэдэнд дээрээс өгсөн үүрэг даалгаврыг гүйцэтгэх нь чухал тул хийж байгаа ажлынхаа утга агуулгыг хайхардаггүй. Ингэж тэд тогтолцооныхоо эрэг шураг нь болдог.

MICROSOFT - “WINDOWS 7”

MICROSOFT “WINDOWS 7”-ГОО 2009 ОНЫ 6-Р САРД Ч ГАРГАЖ БОЛЗОШГҮЙ

Microsoft корпораци санаанд оромгүй алхам хийж, шинэ үйлдлийн систем болох “Windows 7”-гоо 2009 оны бүр зун гэхэд гаргаж магадгүй байна. Албан ёсоор 2010 оны 1-р сараас хойш гаргахаар төлөвлөж байсан билээ.

Internet News сайтын мэдээлснээр Microsoft нь Windows 7-г 2009 оны 6 сарын 3-нд гаргахаар зорьж байгаа бөгөөд энэ тухай корпорацийн дотоод төлөвлөгөөнд байгаа бололтой.

Иймэрхүү алхам нь олон шинжээчдийн зэмлэдэгчлэн болхи, хөшүүн ажиллагаатай Microsoft-ын хувьд ойлгомжтой л асуудал. Тэгээд ч Windows XP болонWindows Vista хоёрын хооронд 5 жилийн завсарлага авсан нь интернэт болон компьютерийн техникийн үсрэнгүй хөгжил, түүнээс үүдэн шинэ шинэ боломжууд бий болсон өнөөгийн нөхцөлд байж боломгүй зүйл юм.

Microsoft энэ байдлаа ухамсарлаж, үйлдлийн систем боловсруулах “3 жилд 1 систем” гэсэн графикаа хатуу мөрдөхөөс аргагүй байдалд хүрсэн билээ.

Гэвч Windows Vista нь ХР шиг алдартай болж чадаагүй билээ. Одоогийн байдлаар Windows-ийн 6 дахь хувилбар дэлхийн бүх компьютерийн 16%-д нь суусан байна. Зарим хэрэглэгчид, түүнчлэн томоохон компаниуд Windows Vista-г алгасан Windows 7 гарангуут шууд ХР-гээс түүн рүү шилжих бодолтойгоор Windows 7-г хүлээж байгаагаа ил тодоор мэдэгдэж байгаа ажээ.

Түүнчлэн Windows 7-гийн бета хувилбарыг 2008 оны 10-р сарын 27-нд танилцуулах болно гэсэн яриа ч сүлжээгээр тархаад байна. Тэгвэл дараа жилийн дундуур гарна гэдэг нь тун ч бодитой сонсогдож байгаа юм.

Шинэ үйлдлийн систем нь Windows Vista-гийн шинэчлэгдсэн цөм дээр үндэслэн ажиллах юм байна. Microsoft-ын хувьд Windows Vista-гийн удирдлаган дор төхөөрөмжүүдийн драйверүүд шинэ системд ямар ч асуудалгүй ажиллах нь л сонин байгаа ажээ. Тэгж гэмээж нь програм хангамж үйлдвэрлэгч энэхүү аварга компани 2007 оны 1-р сард гаргасан үйлдлийн системд нь олон төхөөрөмжийн драйверүүд ажиллахгүй байсан урьдын алдаагаа давтахгүй байж чадах болно.

Хи хи ха ха

Идэх юмны vнэ өссөн тул оронд нь дуу сонс. Ерөнхий сайд продюссерээр нь ажилласан дуу өл дарна. Та бvхнийг дуу сонсож байх зуур Ерөнхий сайд хоолоо иднэ.

-Эрvvл мэндийн сайдаар ажиллахад ямар шалгуур чухал вэ?
-Өөрөө туршлагатай өвчтөн байхад л болоо.

-Vнийн өсөлт хэзээ зогсох вэ?
-Сангийн сайд насанд хvрч, өсөлт нь зогсохоор л...

-2б ангид эдийн засгийн хичээл орж байна. Хамгийн урд талын ширээнд сурагч Баяр, Баярцогт нар сууна. “Уг нь ахлах ангийн хичээл биз дээ?”

Ардчилсан нам, хувьсгалт нам хоёр Төрийн эрх барихад ямар ялгаа байна?
- Ардчилсан намын vед буруу болгон нь удирдагчдынх нь байдаг юм. Хувьсгалт намын vед буруу болгон нь байгалийнх байдаг.

МАХН-ын дарга С.Баяр мөрөөднө.
- Бушуухан 3001 он болоосой?
- Яах гэж...
- Мянганы замаа дуусгахгvй юу.

www.olloo.mn сайтаас авав

Шидэт өвөл - хүүхдийн кино

Төрийн захиргаа юу? Нийтийн захиргаа юу?

Цаг хугацаа өнгөрхийн хэрээр орон нутгийн нөхцөл байдал болон тэдэнтэй ажиллах арга барил өөрчлөгдсөөр ирсэн. Иймд: Энэ сэдвийн утга агуулага нь ижил төстэй .
Төрийн захиргаанаас нийтийн захиргаа руу шилжих цаг хэдийнэ болжээ.
Тиймээс энэхүү сэдвийг эхлээд төрийн захиргааг олон талаас харсан дараа нь Нийтийн захиргаанд хүрэх алхам иргэдийн оролцоог сайжруулах талаар бичихээр шийдлээ.Мөн хоорондоо хэрхэн уяалдаж, өргөжиж, өөрчлөгдөж байгааг өөрийнхөө бодолд бууснаа буулгав.
Аливаа төрийн хөгжлийг түүний үйл хэрэгт ард түмний оролцоогүйгээр төлөөлөх боломжгүй.Төрийн захиргааны эрх мэдэлийг хэрэгжүүлэгчидийг ард түмний дундаас сонгодог болсноор төрийн эрх мэдэл ард түмнээс эх үндэстэй гэсэн ойлголт байдаг ч ,төрийг удирдахад ард түмний оролцоог жинхэнэ ёсоор хангах үйл явц төрийн хөгжлийн хожуу үеийн шинэ үзэгдэл гэж үзэж болох юм.Төрийнхөө үйл ажиллагааг үнэлэх дүгнэх, дэмжих шүүмжлэх нь төрийн үйл хэрэгт оролцож буй нэг хэлбэр юм.Намуудын эцсийн зорилго нь төрийн эрх мэдлийг эзэмдэх явдал учраас төр нам хоёр салшгүй холбоотой байдаг .Энэ нь ямар хэлбэрээр хэрэгжих нь намын бодлого улс орны төрийн дэглэмийн шинж чанараас хамаарна.Төрд эрх мэдэл төвлөрөх тусам ард түмэн ард түмэн өөрийнхөө амьдралыг өөрөө зохицуулах, өөрийнхөө төлөө хариуцлага үүрэг чадвараа алдаж эхэлдэг.Сүүлийн үед иргэд төрдөө бүх зүйлээ даатгаад төрийг улам эрх мэдлийг нь өгч байна. Төрийн эрх мэдэл нэмэгдэх тусам ард түмний эрх мэдэл аажимдаа багасах хумигдах болж байна.Төр тиймээс эрх мэдэл нэмэгдэх биш харин ард түмэн төрийг захиргааг шинэчлэн өөрчлөх явдал гарч байна. Нийтийн захиргааны хэлбэрт шилжүүлэхийн тулд мөн чанар утга агуулагаар нь ухаарч чадваас зөв зам руу орно. Захиргааны үйл ажилгааны хэлбэрийн үр дүнд нийтийн захиргаа нь оршин тогтнох эрхээ эдэлж, үүрэг хүлээж байдаг. Захиргаа иргэдийн аюулгүй байдлыг хамгаалах тэдгээрийн нийгэм дэх амьдралыг зохицуулан хэрэгцээг нь хангахын тулд удирдлагын хүрээнд бүх төрлийн үйлчилгээ үзүүлж байгаагаар ард иргэдтэй улам ойртож хамтран асуудлыг шийдвэрлэх юм.Захиргааны байгууллага үйл ажиллагаа бүхэн тодорхой нэг шийдвэрийг эсвэл шийдвэр гаргах үйл явцын үр дүн байдаг энэхүү үйл ажиллагаа нь шийдвэр гаргах үйл явцын цогцолбор , дамжсан үе шатууд дээр үндэслэдэг учраас зөвхөн зарим нэг нийтлэг шинжтэй байдаг.Нийтийн захиргааны бодлого үйл ажиллагаа нийгмийн харилцааны бүхий л салбарт их олон хүрээнд хүртээмжтэй нөлөөлөлтэй байдаг учраас захиргааны төрөл маш олон шинж чанар дээр оршин тогтдог.Монгол улсын эрх зүйн зохицуулалтын хүрээнд нийтийн захиргааны байгууллага үйл ажиллагааг хүрээ хэмжээг тодорхойлохдоо нийтийн захиргааны тогтолцоо бүтцийг юун түрүүн анхаарч өргөн цар хүрээтэй шийдэх нь чухал юм. Хүмүүсийн чадавхийг зөвхөн хувь хүмүүсийн эрх ашгийн төлөө бус цаашид улс төр нийгмийн өөрчлөлтийг хийх суурь болгон ашиглаж сурах хэрэгтэй .
ДҮГНЭХЭД:
Орон нутгийнх нь идэвх оролцоотойгоор, аль болох тэдний санаачлага дээр тулгуурлан тухайн орон нутгийг эдийн засаг, нийгмийн дэвшилд хүрэх нөхцлийг бүрдүүлж өгвөл орон нутагт илүү түлхүү нийтийн захиргааны байгууллагад шилжих болов уу?
Жишээ нь :
Удирдан залах биш харин өөрсдөөр нь бие дааж ажиллах нөхцөл бололцоог хангуулахад оршино.

Сайн байна уу?

Та бүхний энэ өдрийн амгаланг эрье!Ангийхандаа бидэнд хүлээгдэж буй даалгаваруудыг танилцуулж байна.Үүнд:
Нийтийн Захиргаа: Бюрократ тогтолцоог өрөөчлөх миний бодол эссэ
Төрийн санхүү: Миний хувьд Хүн амын орлогын албан татвар
Эдийн засгийн онол: Д.Намсрай "Эдийн засгийн онолын үндэс" 1996 номноос Эдийн Засгийн бодлого, График унших гэсэн хоёр бүлгийг унших
Ардчилал судлал: Ардчилалыг хэрхэн ойлгох вэ? эссэ
Англи хэл: Choosing Topic, Writing essey орчуулга хийх зэрэг болно.
Амжилт хүсье!

Би хаана төрөө бэ?

Б.Явуухулан

Хөх манхан тэнгэрийг эзэгнэнхэн төрлөө би
Хөмсгөн сарны аялах алсын алс тойрогт
Холын хоёр одны тохиох бяцхан чөлөөнд
Хоёр нүдний үзүүрт цэнхэрлэх төдий тэртээд
Хөх манхан тэнгэрийг эзэгнэхэн төрлөө би

Цаст цагаан уулыг эзэгнэнхэн төрлөө би
Цан хүүрэг савсаж үүлс ороох оргилд
Цасан ширхэг царцаж мөс болох халилд
Царгиа хүйтэн өвөлд сарлагийн бух дошсон
Цаст цагаан уулыг эзэгнэнхэн төрлөө би

Онгон цэнхэр талыг эзэгнэнхэн төрлөө би
Орог саарал зэрэглээ хавар сүүмэлзэх хөндийд
Орсон буурийн шүд өвөл хангинах хоолойд
Yлэг гүрвэлийн мөрийг өдий хүртэл хадгалсан
Онгон цэнхэр талыг эзэгнэнхэн төрлөө би

Мөрөн голын усыг эзэгнэнхэн төрлөө би
Мөнгөн сарны сүүдэр толиорон хөвөх долгионд
Миний өвөг дээдсийн морины туурайнд наалдсан
Хүний нутгийн шороог ариун усаараа угаасан
Мөрөн голын усыг эзэгнэнхэн төрлөө би

Yнэр ялдам агь гангыг эзэгнэнхэн төрлөө би
Yүр шөнийн завсар шүүдэр буух навчинд
Yрэл усан шүүдэрт нь одод гялалзах дэлбээнд
Yхэлгүй мөнхийн бэлэгдэл цагаан уул цэцгэнд
Yнэр ялдам агь гангыг эзэгнэнхэн төрлөө би

Зүүрмэглэгч хун шиг гэрийг эзэгнэнхэн төрлөө би
Зүйдэлгүй цагаан өрхний хоймсолж томсон оосорт
Зүрхэн улаан галтай ган тулгын тотгонд
Зуун түмэн үед монгол хүний идээшсэн
Зүүрмэглэгч хун шиг гэрийг эзэгнэнхэн төрлөө би

Сайхан бүсгүйн сэтгэлийг эзэгнэнхэн төрлөө би
Сормосон дундаан талимаарах алаг нүдний мэлмэрээнд
Саалийн үнэр ханхалсан дээлийн хормойн нугалаасанд
Санан санан уярах цэвэр ичимтгий аашинд
Сайхан бүсгүйн сэтгэлийг эзэгнэнхэн төрлөө би

Тэнхээт хүлгийн дөрөөг эзэгнэнхэн төрлөө би
Тэлмэн жороо морины шанхны үзүүрийн чичиргээнд
Тэнгэрийн салхинаас бусдыг дээрээн гаргаж үзээгүй
Тэнэгэр говийн сүрэг онгон хулангийн нуруунд
Тэнхээт хүлгийн дөрөөг эзэгнэнхэн төрлөө би

Аадар хур бороог эзэгнэнхэн төрлөө би
Амгалан тэнгэрийг цочоох аянгын догшин гялбаанд
Ариун агаарт шүхэрлэх мөндрийн цагаан ширхэгт
Алтан талд татах солонгын долоон өнгөнд
Аадар хур бороог эзэгнэнхэн төрлөө би

Цээлхэн дууний эгшгийг эзэгнэнхэн төрлөө би
Цэнхэр хадган дээрх мөнгөн аягатай сархданд
Цээл сайхан эгшигтэй уртын дууны аянд
Цэнгэх зовох хосолсон хүний хувь заяанд
Цээлхэн дууний эгшгийг эзэгнэнхэн төрлөө би

Хөх тэнгэрийн орныг эзэгнэнхэн төрлөө би
Хөх Монгол алдаршсаны үе дамжсан домогт
Хүчирхэг дээдсийн нутагт мандсан ардчиллын дөлөнд
Хөрст алтан дэлхийн үрчлээт магнай болсон
Хөх тэнгэрийн орныг эзэгнэнхэн төрлөө би

Эх орон бид хоёр

Б.Лхагвасүрэн

Ж.Бямбаа уншина.

Эссэ2. Бодлогын монополчилол.

Эссэ 2. Бодлогын монополчилол .
Бодлогын үүсэл.
Эртний философичид төрийн зохистой бодлого, шийдвэр боловсруулан гаргах асуудалд ямагт анхаарлаа хандуулж ирсэн бөгөөд тэдний дотроос Аристотель анхлан ухагдахууны аппарат бий болгон, төрийн бодлого боловсруулах үйл явцын тухай үндсэн ойлголтыг боловсруулсан юм. Тэрээр задлан шинжилгээндээ “тунгаан бодох”(phronesis) “ухамсарт сонголт” (proaisesis) гэсэн ухагдахууныг хэрэглэсэн байдаг. Ингэхдээ онолын цэцэн ухаан, практик ухаан гэсэн хүний сэтгэхүйн хоёр төрлийн чадвар байдаг гэсэн төсөөллийг иш үндэс болгосон байна.
-Тунгаан бодох нь хүмүүсийн практик үйл ажиллагаатай холбоотой. Энэ нь төрийн шийдвэр нь зорилго (сайн сайхан зүйл) ,түүнийг хэрэгжүүлэх арга замыг (үйлдэл , үйл ажиллагааг) тодорхойлох тухай улс төрийн практик мэдлэгт суурилана гэсэн үг юм.
-Ухамсарт сонголт гэдэг нь нэгэнт тодорхойлсон зорилгод хүрэх арга замыг эрж хайхад чиглэсэн хүмүүсийн үйл ажиллагааны тодорхой бус, санамсаргүй байдлыг илэрхийлж байв.
Шийдвэрлэх зүйл гэдэг нь эцсийн зорилгод гэхээсээ түүнийг хэрэгжүүлэх арга замд илүү хамаарах ажээ. Ийнхүү Аристотель төрийн шийдвэр гаргах нь сэтгэн бодох хийгээд практик үйл ажиллагаа бөгөөд нэг талаасаа тодорхойлсон зорилгод нийцэх арга хэрэгслийг ухамсартайгаар сонгоход чиглэсэн, нөгөө талаасаа чөлөөт сонгол хийх үеийн санамсаргүй байдал тодорхой бус нөхцөлд зорилгот хүрэх боломжит бөгөөд оновчтой үйлдлийг илрүүлэн тогтооход чиглэсэн хэрэглээний ухаан хэмээн үзэж байжээ.
Үүнээс хойш төрөөс үр нөлөө бүхий бодлого шийдвэр гаргах асуудлыг Сэргэн мандалтын болон Соён гэгээрүүлэх үеийн Н.Макиавелли, Ж.Боден , Т.Гоббс , В.Спиноза , Ж.Руссо зэрэг сэтгэгчид судлаж байжээ. Бодлогын ухаан үзэл баримтлалын хувьд үүсэн төлөвшихөд дэлхийн хоёр дайнтай холбоотой гүнзгий хямрал ихээхэн түлхэц үзүүлсэн гэж Лассуэлл үзжээ. Дэлхийн хоёр дайн дэгдэхэд их гүрнүүдийн удирдагчид бодож боловсруулаагүй үндэслэл муутай шийдвэр гаргаж байсан нь багагүй үүрэг гүйцэтгэсэн гэжээ.
.
Бодлогын үе шат: Нийгмийн тодорхой хүрээнд төрийн байгууллагаас шийдвэрлэх шаардлагатай асуудлын шинж чанар агуулгаас хамааруулан төрийн бодлогыг олон чиглэлд ангилан хуваадаг ба эдийн засгийн, нийгмийн, түлш эрчим хүчний, захиргааны, байгаль орчины, гадаад, батлан хамгаалах, үндэсний аюулгүй байдлын, боловсон хүчний, хүн ам зүйн, соёлын, мэдээллийн , хөдөө аж ахуйн, эрх зүйн, шинжлэх ухаан-техникийн гэх мэтээр ангилдаг бөгөөд дээрх чиглэл бүрийн хүрээнд төрийн бодлогын олон дэд чиглэлийг гаргаж болно. Тухайлвал нийгмийн бодлогыг хүн амын ажил эрхлэлтийн, нийгмийн халамжын, эрүүлийг хамгаалах, боловсролын гэх мэт салбаруудад ангилдаг. Бодлого боловсруулж хэрэгжүүлэхэд оролцогч талуудын харилцааны шинж чанаруудыг ойлгох аливаа бодлогуудын агуулгыг тодорхойлохын тулд өр бусад шалгуураар ч ангилсан байдаг. Жишээ нь: Т.Лови төрийн бодлогыг зохицуулалтын хувиарлалтын, дахин хувиарлалтын гэж ангилсан байдаг.
-Зохицуулах бодлого нь эдийн засгийн зохицуулалт хэрэглээний зах зээлийг хамгаалах зэрэг үйл ажиллагааг төрийн байгууллагаас зохицуулах үйлдлийг агуулна.
-Хувиарлах бодлого нь нийгмийн хөтөлбөр, боловсрол, шинжлэх ухаан гэх мэт материаллаг баялаг, ашиг тусыг хүн амын янз бүрийн бүлгийн дунд төрийн байгууллагын зүгээс хувиарлах үйл ажиллагаатай холбоотой.
-Дахин хувиарлах бодлого нь татвар, тариф, шилжүүлгийн хэлбэрээр тодорхой нөөцийг хүн амын нэг бүлгээс нөгөө бүлэгт шилжүүлэхийг илэрхийлнэ.
Бодлогот оролцогч талууд
Төрийн бодлого боловсруулж хэрэгжүүлэх нь нарийн төвөгтэй, өргөн цар хүрээтэй үйл явц учраас түүнд олон байгууллага хувь хүмүүс оролцдог бөгөөд гол үүргийг:
1. Төриййн хууль тогтоох/төлөөллийн/ байгууллага
2. Гүйцэтгэх эрх мэдлийн байгууллага
3. Иргэний нийгмийн байгууллагууд гүйцэтгэдэг.
Зарим үед улс төр эдийн засгийн явцуу бүлэг үүсэж, корпорацын сонирхолоо хамгаалан тодорхой хүрээнд төрийн бодлогыг боловсруулж хэрэгжүүлэхэд үлэмж нөлөө үзүүлдэг. Энэ бүхэн бодлогын субъект болох шууд оролцогчдод хамаарна. Үүний зэрэгцээ төрийн бодлогын объект буюу бодлогод хамрагдах нийгмийн давхрага бүлгийг хамруулах ёстой. Сүүлийн үед тэдгээрийн хоорондын ялгаа улам бүдгэрч байгаагын учир нь нийгэмд тулгарсан янз бүрийн асуудлыг шийдвэрлэхэд иргэдийг татан оролцуулах болж, төрийн үйлчилгээний чанарыг сайжруулах , захиргааны дүрэм журмыг хөнгөвчлөх бодлогын биелэлт, үр ашгын талаарх мэдээллийг хүн амд хүргэхэд чиглэсэн төр иргэдийн хоорондын хамтын ажиллагааг зохицуулдаг механизмийг бий болгоход анхаарсантай холбоотой юм.
Нэг айл, гэр, аймаг, хотоос эхлээд тухайн улсөөрийн гэсэн бодлоготой түүнийг ямар нөхцөлд хэрхэн хэрэгжүүлэх өөр өөрийн гэсэн аргачилалтай байдаг. Өрхийн тэргүүн амьдралынхаа зорилгыг зөв тодорхойлж түүнийгээ эхнэртэйгээ зөвшилцөн асуудлыг шийддэг нь 12-р зуунаас Чингис хааны ээжийнхээ үгийг сонсож асуудалд ханддаг байснаас улбаатай юм.
Энэ утгаараа манай төрийн бодлого ард иргэдийнхээ, улс эх орныхоо хөгжлийн төлөө хэмээн тодорхойлогдон хэрэгжиж байгаа ч нам бүлэглэлүүдийн эрх ашгийн сонирхолд нийцүүлэн хэрэгжиж байгаа нь үе үеийн параламент, засгийн газрын авч хэрэгжүүлж байгаа бодлого шийдвэрээс харагдаж байна.

Үйлдлийн системийн тухай

Тусламжийн цонхыг хэрэглэх нь

Gmail.com

Үр ашигтай блог үүсгэх шилдэг 5 алхам

Төрийн захиргаа юу нийтийн захиргаа юу

Эссэ 1 Ч.Алтанхуяг.
Төрийн захиргаа юу? Нийтийн захиргаа юу?
Оршил: Аль ч орны төрийн бодлого нь ард иргэдийнхээ эрүүл энх, амгалан тайван, аюулгүй орчинд, эрхэлсэн ажилтай, амьдралын баталгаатай байлгахын төлөө чиглэгдсэн бодлого боловсруулж, түүнийгээ хэрэгжүүлдэг. Гэхдээ тухайн бодлогыг хэн, яаж, ямар хугацаанд, хэрхэн үр дүнтэй хэрэгжүүлэх нь чухал байдаг. Нийгмийн зүгээс төрийн албан хаагчдыг шудрага байхыг хүсдэг түүнийг нь хүлээдэг. Төр нь ард иргэдийнхээ үгийг сонсож, тэдний эрх ашигт нийцсэн зөв бодлогыг хэрэгжүүлж ард иргэдээ хүндэлж, үүргээ ухамсарлавал нийтийн захиргаа гэдэг ойлголт хурцаар тавигдахгүй байх байсан болов уу. Яг өнөөдрийн байдлаар манай улсын хувьд нийтийн захиргааны системд орох нь агаар ус мэт хэрэгтэй байгаа юм. Шудрага ёсыг уландаа гишгэсэн, туйлын үнэн гэж байдаггүй гэдэг үгээр далимдуулан хэсэг бүлэг төрийн албан хаагчид /энэ нь нэг хүний удирдлагаар/ ард иргэдээ хууран, ёс суртахуунгүй байдал гарган, эрх мэдэлтнүүдийг дагалдан баясч, тэдэндээ дулдуйлчилж байгаа нь төрийн захиргааны хүнд сурталын хамгийн тод жишээ.
Төрийн захиргаа нь тодорхой хуулийн хүрээнд үйл ажиллагаа явуулдаг гэх боловч хуулийг завших, хууль бус зүйл хийх, буруутай үйлдэл нь илэрвэл түүнийгээ нуун дарагдуулах, аргалах бүх процессийг бэлдсэн байдаг.
Жишээ: УБ хотын захирагч асан Энхболд эрх мэдлээ ашиглан газрыг зүй бусаар олгосоноос хот төлөвлөлтийн бодлого алдагдаж, авто зам нь ачааллаа даахаа байж, ард иргэд нь дээд зэргээр бохирдсон агаараар амьсгалж байгаа зэрэг нь хамгийн наад захын тод жишээ юм. Үүнийг нь ард түмэн буруушааж тодорхой хариуцлага хүлээлгээчээ хэмээн зохих эрх мэдэлтнүүдэд өргөдөл гаргавч асуудлыг шийдэж өгөх нь битгий хэл хэлсэн хүнийг сэтгэл зүйн дарамтанд оруулах, улмаар ...........................
Дүн шинжилгээ: Яг энэ жишээн дээрээс дүн шинжилгээ хийгээд үзвэл нийгэмд салбар салбартаа ямар их хэмжээний хохирол хор уршиг дагуулж байгаа нь харагдаж байна. Дээр өгүүлсэн ганцхан хүний эрх мэдэл, албан тушаалаа ашиглан гаргасан шийдвэр нь ийм их нийгмийн сөрөг үр дагаварыг ар араасаа дагуулж байхад улсын хэмжээнд ажиллаж байгаа 30000 гаруй төрийн албан хаагчдын санаатай болон санамсаргүйгээр гаргасан буруу шийдвэр, хийсэн үйлдэл нь тэр хэмжээгээрээ нийгэмд бухимдал үүсгэж, ард иргэдийн эрх ашгийг хохироож байдаг юм.
Энд мэдээж авилга хэл хахууль нуугдаж байгаа нь тодорхой. Тэд үгүй гэх боловч тэр тусмаа үнэн юм. Нийтийн захиргааны тогтолцоогоор төрийн болон орон нутгийн үйл ажиллагааг хуулийн хүрээнд явуулах нь зөв боловч хамгийн гол нь ард иргэд өөрсдөө идэвхитэй оролцох хэрэгтэй. Нийт иргэд нэг л зүйлийг хүсэж байгаа. Энэ нь хариуцлага. Хууль тогтоогчид хариуцлагыг чухалчилж хуулиндаа зоригтой тусгаж өгсөн бол төрийн албан хаагчид ёс зүйтэй, ухамсартай, түргэн шуурхай үйлчлэх болно. Ард иргэдийн татвараар бүрдсэн төсвийн мөнгөөр төрийн албан хаагчид цалинждаг атлаа тэд бидний үгийг сонсохгүй, санал хүсэлтийг хүлээж авахгүйгээр зогсохгүй урдаас загнах дарамтлах хэл амаар доромжлох зэрэг нь тухайн нийгэмд өгөх үнэлгээ юм. Энэхүү үнэлгээ нь эргээд ард түмэн бидний нийгэмдээ хэр идвэхтэй оролцож байгаа талаарх бас нэг үнэлгээ гэж ойлгож болно. Тийм учраас нийтийн захиргааны системээр ард иргэдийн хүсэл сонирхолын хүрээнд зөв бодлого боловсруулж хуулийн хүрээнд хариуцлагатай шудрага ёсыг дээдэлж ажиллахыг амьдрал өөрөө биднээс шаардаж байна.
Харьцуулсан ойлголт: Миний бодлоор төрийг базаад хаясан лаазтай зүйрлэвэл түүний нугалаа болгонд төрийн албаны эрх мэдэлтнүүд эрх мэдлээ ашиглан идэж уух, хураан хуримтлуулах төлөвлөгөөгөө зохион нуугдаж байгаа. Ард түмэн тэдэнд туслаж тэндээс нь гаргаж авахыг оролдовч тэд улам л шигдэн нуугдаж байгаа нь төөрдөг байшинд хүүхдүүд тоглох адил инээдтэй.
Тодорхойлолт: Эндээс харахад төрийн захиргааны тогтолцоонд бюрократ /бюро хэмээх Францаас Герман хэлнээ зээлдэгдсэн ажлын ширээ, оффис гэсэн утгатай үг/ хэмээх тогтолцоо ганхаж унашгүйгээр тогтсон байгаа нь энэ нийгмийн шүдний өвчин нь болоод байгаа юм. Дэг журам, тогтвортой байдал, мэргэжсэн албан хаагчид, тогтмол цалин гээд бюрократ тогтолцоо нь олон давуу талтай ч бие хүний хөгжлийг олон талаар боогдуулж байгааг эрдэмтэд шүүмжлэх болсон байна. Сүүлийн үед аль ч улс орны төрийн захиргаа нь дээрээс доошоо чиглэсэн босоо тогтолцоог халж жигд тэгш эрхтэй байх хэвтээ тогтолцоо руу шилжих нь нэгэнт амьдарлын шаардлага болсон байна.
Үр дүн: Энэхүү тогтолцоонд шилжсэнээрээ ард иргэд төрийн үйлчилгээг чирэгдэлгүй жигд хүртээмжтэй хүртэх, хуулийн өмнө тэгш эрхтэй байх, төрийн ажил нээлттэй байх зэрэг олон талын давуу талтайгаас гадна төрийн албан хаагчид өөрөө сурч боловсрох мэдлэг мэргэжлээ дээшлүүлэх боломжтой юм.
Шигтгээ: Эцэст нь хэлэхэд хариуцлага гэдэг нь тухайн хүний өмч юм аа гэж бодоход хэн ч өөрийн өмчөө алдахыг хүсдэггүйтэй адил хариуцлагаа алдаж болохгүй. Хариуцлага нь оньсого болсон бүх асуудлын түлхүүр юм.
Ашигласан материал:
Ч.Сосормаа . Төрийн захиргаанаас нийтийн захиргаа руу. 2008

Google Analytics

Хэмжиж болно тэгэхдээ

Интернэтийг харьцангуй хэмжигдэхүйц гэж үздэг. Ямар вэбээр хэдэн хүн зочилж, хэдэн удаа хуудас нээж үзсэн, ямар улсуудаас зочилсон гээд олон үзүүлэлтийг бид статистик байдлаар гаргах боломжтой энэ нь бусад төрлийн мэдээллийн хэрэгсэлтэй харьцуулахад илүү хэмжигдэхүйц гэсэн үг л дээ.

Жишээ нь сонин, сэтгүүлийг яг хэдэн хүн дамжуулаад уншиж байгааг багцаалдахаас өөр боломжгүй, тэгээд тэр сонин сэтгүүлийн аль хуудсын аль мэдээллийг хэд уншиж байгааг мэднэ гэдэг мөн л боломжгүй зүйл. Зурагт, радио ч ялгаагүй хэдэн айл зурагттай, хэдэн машин радиотой гэдгийг гаргаад тооцоолдоггүй л юм бол яг үнэндээ хэдэн хүн сонсож, үзэж байгааг гаргах боломжгүй.

Нэгэнт тодорхойгүй учраас эдгээрийн тоон үзүүлэлтийг гаргахын тулд түүврийн аргаар судалгаа нэртэй зүйл хийж, түүндээ бяцхан засвар оруулаад, тэгээд тэр нь мундаг энэ нь мундаг хэмээн нэгнийгээ хөөргөдөх хандлага Монголд лав байгаа гэдгийг та мэдэх байх.

Харин интернэтэд байрласан вэб сайтуудын хувьд бид маш тодорхой олон үзүүлэлтийг гаргаад харуулах боломжтой. Харин зарим нэг үзүүлэлтийг ялгаж салгаж ойлгох, өөр сайтуудыг харьцуулахдаа ижил аргачлал хэрэглэх явдал чухал юм. Оллоо гээд Монголын нэг сайт байдаг, гудамжаар дүүрэн реклам өлгөсөн байдагдаа, тэднийх жишээлбэл манай сайт руу өдөрт давтагдаагүй тоогоор 200.000 мянган хүн ордог гээд реклам хийгээд байгаа юм. Үүнийг нь жаахан тодруулах гээд үзье л дээ.

2007 оны эхээр энэ сайтны сарын хуудас нээгдэлт (pageviews) нь 4.509.500 байжээ. Энэ нь тэдний өөрсдийнх нь Google Analytics дахь статистикаа нийтэд дэлгэн харуулснаас нь авсан баттай мэдээлэл. Үүнийг 30 хоногт хуваавал өдрийн хуудас нээгдэлт нь 153.650 болж байна.

За одоо энэ хуудас нээгдэлтийг тэдний хэлээд байгаа давтагдаагүй хандалт (unique visitor) болгож харъя. Ихэнх мэдээллийн сайтаас нэг удаагийн зочлолтоор дунджаар 4-5 удаа хуудас нээгддэг. Тэгэхээр өдөрт 153.650/4.5 = 34.144 болж байна.

Вэб сайтуудын үзүүлэлтийг хэмжих аргачлалыг ижилсгэх, хандалтын мэдээллийг бодитой өгч байх нь цаашид Монгол дахь интернэт сурталчилгааны зах зээлийн багтаамжийг өсгөх гол зүйл тул Монголын вэб сайт ажиллуулагчид их бага гэлтгүй нэгдмэл зарчмаар статистикаа гаргаж, сурталчлуулагчдад зах зээлийн мэдээллийг бодитойгоор ойлгуулж байх хэрэгтэй юм.

Интернэтэд статистик үзүүлэлтүүдийг гаргахдаа дараах 2 хэмжигдэхүүнийг голлон ашигладаг.

Давтаагүй хандалтын тоо (unique vistors): Энэ нь ямар аргачлалаар бодож байгаагаас хамааран нэг сайтын хувьд өөр өөр гарах магадлал өндөр байдаг. Тиймээс энэ тоог сайт эрхлэгчид голдуу өөрийн сайтын өсөлтийг харахын тулд ашиглах нь үр дүнтэй юм.

Хуудас нээгдэлтийн тоо (page views): Энэ нь нэг удаа хуудас нээх үед нэг л удаа нэмэгдээд явдаг учраас бүх сайтуудын хувьд нэг утгатай харьцуулж болох хэмжигдэхүүн юм. Энэ үзүүлэлтийг сайтууд өөрийн сайт дээр сурталчилгаа байрлуулах гэж буй сурталчлуулагчдад мэдээлэл болгон өгөхөд ихээр ашигладаг. Тэгэхдээ хамгийн гол нь энэ үзүүлэлт нь давтагдаагүй хандалтаас өөр гэдгийг анхнаасаа тайлбарладаг байх нь чухал юм. Гадаадын ихэнх сайтуудын хувьд энэ үзүүлэлт нь тухайн сайт баннер сурталчилгаанаас хир их мөнгө олж болохыг шууд илтгэдэг гэхэд хилсдэхгүй. Учир нь баннерыг хэдэн удаа харуулснаас хамааран төлбөр төлөгддөг систем тэнд үйлчилдэг.

Хэрвээ та вэб сайт эрхэлдэг бол олон тооны үнэгүй статистик тооцоологч үйлчилгээнээс сонголт хийн өөрийн вэбийг хэмжих боломжтой. Эдгээрээс олон тооны үзүүлэлтийг харьцуулан гаргаж өгч чаддаг тул та Google Analytics үйлчилгээг хэрэглэхийг зөвлөж байна.

---

мэдээллийн эх сурвалж: Хэмжиж болно тэгэхдээ

plentyoffish.com - бүх зүйл нь үнэгүй, гэвч эзэн нь саятан

Интернэт дэх мөнгө олох боломжуудыг илэрхийлсэн нэгэн сонгодог жишээ бол plentyoffish.com юм. Канадын иргэн Маркус Фриндын цор ганцаараа ажиллуулдаг энэ сайт өнөөдөр үнэгүй онлайн танилцах сайтуудын хамгийн том нь болжээ. Сардаа давтагдаагүй тоогоор 8 сая хүн зочилдог юм байна.

Маркус Фринд 1999 онд Коллежоо Компьютерийн мэргэжлээр төгссөнөөс хойш ажлаас ажил дамжин хэсэг явсан тэрээр 2003 онд Plentyoffish.com - ийг эхлүүлжээ. Одоо түүний нэг хүнтэй компани 300-аас илүү хүнтэй асар том дэд бүтэцтэй бусад төлбөрт онлайн танилцах үйлчилгээний сайтуудтай өрсөлдөж байна. Google Adsense-ээр олдог түүний орлого нь сардаа хэдэн зуун мянган доллараар хэмжигддэг болжээ.

Та http://plentyoffish.wordpress.com/ хаягаар түүний блогийг сонирхоорой.

Түүний блог дахь Жижиг компаниуд болон Google Adsense бол ирээдүй юм гэсэн бичлэгийг нь заавал уншаарай. Тэнд байгаа чекийн дүнг хараад та үнэхээр энэ хүний тухай яагаад бичсэнийг ойлгоно байх.

Уг нь бол энэ залуу анх бие дааж ASP.net технологи сурах гэж вэб нээсэн юм билээ. Тэгээд тэр нь өнөөдөр ийм амжилт олоод байгаа нь үнэхээр гайхалтай хэрэг. Гайхалтайгаас гадна бидэнд ч ийм боломж байгаа гэдгийг хэлж байгаа нь юутай сайхан.

Хэзээ нэгэн цагт Монгол залуус дундаас Google Adsense-ийн саятан төрнө гэдэгт итгэж байна.
мэдээллийн эх сурвалж:plentyoffish.com - бүх зүйл нь үнэгүй, гэвч эзэн нь саятан

How Top Bloggers Earn Money

Шилдэг блогчид хэрхэн мөнгө олдог бэ?

Блог бичин мөнгө олдог, үүгээрээ дагнан компани байгуулсан хүмүүс ч их болжээ. Хавайд амьдардаг программист Eric Nakagawa гэдэг залуу интернэтээс олсон нэгэн тарган муурын зурган дээрээ "I can has cheezburger?" гэсэн үг бичээд өөрийн үүсгэсэн вэб сайтдаа 2007 оны сард байрлуулсан байна. Түүний дараахан үүнтэйгээ ижилхэн хэдэн зураг байрлуулаад, хүмүүс сэтгэгдэл бичихэд амар учраас сайтаа блог болгожээ. Тун удалгүй түүний блогоор олон хүн зочлох болж 3 сард 350 мянган хандалт, 4 сард 750 мянган хандалт, 5 сард 1.5 сая хандалт хүлээн авсан ба одоо тус сайтаар өдөрт давтагдаагүй тоогоос 100-200 мянган хүн зочилж нийт 500 мянган хуудас нээгддэг болсон байна. Нэгэнт олон хандалт хийгдэн улмаар мөнгө олох боломж харагдсан тул Nakagawa 5 сарын сүүлээр ажлаасаа гарсан байна. Одоо түүний сайтад сурталчилгаа байрлуулахад хамгийн багадаа 7 хоногт $500 ихдээ $4000.

Эхэндээ хүн татахын тулд хүмүүсийн юм уншихад тохиромжтой цагууд болох өглөө, үдийн цай, болон оройн цагаар бичлэг оруулдаг байсан байна. Мөн хүмүүсийн анхаарал татахын тулд бичлэг болгоныг 1-5 хүртэл чийзбургерээр үнэлэх боломж олгосон нь нөлөө үзүүлжээ. Сайтаар зочлогчид зөвхөн уншигч байгаад зогсохгүй өөрсдөө зураг оруулах, бэлэн зурганд өөрсдөө нэр өгөх боломжуудыг олгож өгсөн нь энэ блогийг амжилтанд хүрэхэд нөлөөлсөн. Хамгийн гол нь хүн бүр сайтын агуулгыг бүтээхэд оролцох боломж олгосон нь энэ сайтыг зөвхөн блог биш илүү өргөн хүрээтэй болгосон.

Энэ тухай дэлгэрэнгүй мэдээллийг та BusinessWeek.com - оос үзээрэй.

Энэ өгүүлэлтэй холбоотойгоор BusinessWeek.com-д нийтлэгдсэн бас нэг сонирхолтой мэдээлэл нь Nakagawa-аас гадна өөр хэдэн блогчины тухай мэдээлэл, тэдгээрийн олдог орлогийн тухай мэдээлэл юм.

Та энэ мэдээллийг http://images.businessweek.com/ss/07/07/0714_bloggers/index_01.htm хаягаар үзээрэй.

Монголд хэдийгээр сардаа 100 мянгаар яригдах $ олдог блог бий болоход хэцүү ч гэсэн блог ашиглан өөрийн сонирхлыг мөнгө болгох боломж байгаа шүү гэдгийг сануулъяа.

Яг одоо Монгол блогчид Google Adsense-ээр дамжуулан мөнгө олох оролдлого хийж байна. Харамсалтай нь Монгол хэлээр бичигдсэн агуулганд Google Adsense-ээс орж ирэх мөнгө тийм их байж чадахгүй.

Баннер сурталчилгааны тухайд, Монголын компаниуд одоохондоо гудамжинд байрласан самбар, FM-ээр явсан ганц 2 сурталчилгааг дагаж хаана баннер байрлуулахаа шийдэж байгаа. Уг нь бол интернэт сонин сэтгүүлийг бодвол таны сурталчилгааг хэдэн хүн үзэж, хэд нь дээр нь харсныг шууд харуулах боломжтой гээд олон давуу талтай эд л дээ, даанч Монголд энэ утгаараа бүрэн ойлгогдож чадахгүй байгаа.
Тэгэхдээ Монгол блогчидоо та бүхэн бүү гутар, харин өөрийн мэддэг, сонирхдог зүйлсээ бич, бичихдээ чанартай бич, нэг л өдөр та үүнээсээ зөвхөн сэтгэлийн таашаал аваад зогсохгүй мөнгө олдог болно. Мөнгө танд чухал биш байж болно тэгэхдээ л илүүдэхгүй шүү дээ.

---

мэдээллийн эх сурвалж:

1. Шилдэг блогчид хэрхэн мөнгө олдог бэ?
2. Шилдэг блогчид хэрхэн мөнгө олдог вэ?

XaPMyyP: Албан бичиг боловсруулахад анхаарах хүчин зүйлс

XaPMyyP: Албан бичиг боловсруулахад анхаарах хүчин зүйлс